Vawiin ni 30 January, 2018 hian Mizoram pumah naupang kum 5 hnuai lam Zenghri Danna pêk rûnpui (Intensified Pulse Polio Immunization) thawh khatna neih a ni a. Mamit district-ah pawh tukin zîngkâr atang khan Mamit District chhûnga IPPI Booth tinah Zenghri Danna hi pêk a ni. Mamit District-ah hian Zenghri Danna (Oral Polio Vaccine) pêk zat tura duan Target Children hi naupang 9861 an ni a, IPPI Booth 118 a awm a ni. Naupang zawng zawng ten kim taka Zenghri Danna hi an ei theih nan thawktu ten thahnemngaitakin hma an la a. IPPI Booth-a eilote zawng chhuaka vaccine pe turin naktuk ni 31 January, 2018 atang hian Health Worker, ASHA leh Anganwadi Worker ten House to House visit an nei dawn a ni. IPPI thawh hnihna hi ni 13 March, 2018-ah neih leh tur a ni ang.
Booth hrang hrang leh House to House visit-a vaccine pe lai thlalak
Post a Comment
0 Comments